Ua uma iloiloga na faia faasaga i le faaaogā sese o faamaumauga na aoao mai le marae i Manurewa i taimi o le palota tele a le atunuu, ma o lea ua sau le faatonuga e taofia nisi o konekarate ma o le a faaseetuagalu le Pule Sili o le ofisa o faamaumauga.
O le masina o Iuni o le tausaga talu ai na amata ai su’esu’ega nei ina ua alia’e tuua’iga o le faaaogā o faamaumauga o tusigaigoa faapea faamaumauga o tui o le Koviti na tuufaatasia i le Marae lenei i Manurewa e faaaogā agai tagata palota Maori i Aukilani.
Sau le i’uga o le palota na manumalo ai Takutai Tarsh Kemp o ia o le Pule Sili o le marae i lea taimi, ma o lea na sili ana palota i le sui o le Labour Peeni Henare.
Foi mai su’esu’ega ma fai mai e le’i lelei ona malupuipuia faamaumauga o tagata i lalo o auaunaga a le ofisa o faamaumauga ma o lea foi na maua ai le feteena’i o auaunaga ma auala na uia.
Faia ai ma le faai’uga a le Pule Sili o le ofisa o faamaumauga Mark Sowden o le a mālōlō.
E tolu providers e aofia ai le Te Pou Matakana, Waipareira Trust ma le Manurewa Marae o lea ua faatonuina foi e le komisi o galuega a le malo e taofia lē tumau nei le toe faaauau o konekarate poo nisi lava feagaiga ma i latou nei.
Mai le ta’ita’i o le Labour Chris Hipkins, ua fai mai ai e lē talafeagai le i’uga o le palota na maua ai le nofoa o loo iai i le taimi nei, ae mai le Palemia Christopher Luxon, ua faate’ia o ia ma o se lipoti ua fai mai ai Luxon e tatau lava ona faasa’o auā o le mea moni ua soli le talitonuga o tagata i le auala o loo teumalu ai faamaumauga.
Puna o Faamatalaga: Stats NZ boss to step down after Manurewa Marae election inquiry | RNZ News
