Toeititi 1.5 miliona le vaegatupe o le taui o le a maua e se tamā e suafa ia Bill Spedding lea na ia ave leoleo a NSW i le tulafono ona o le latou suesuega i le faalavelave ua agiga soo i lipoti mai Ausetalia i le tau sailia ai o le tamaititi o William Tyrell.
O le aso ananafi na fai mai ai le faaiuga a le faamasinoga i le mataupu lea ma faatonuina ai le setete o NSW e toe totogi le vaegatupe lea ia Spedding o se tamā lipea masini talavalava ona o le tulituliloa pea e leoleo o si tamā lea a o faia a latou suesuega mai lava i le 2014.
O lana tagi na ave i le faamasinoga, Supreme Court a Niu Sa Uelese ma sailia ai se taui o gaioiga sa ta’ua sa faaleagaina ai lona tauleleia aemaise o le tulaga faalemafaufau.
Fai mai Spedding o moliaga sa faia faasaga ia te ia ua aveina atu ai se ata o ia o se tagata le lelei ma aafia ai lona aiga ma iu ina aveesea mai ai ma fanau a lana fanau mai ia i laua.
Fai mai sia tamā e leai se vaegatupe e mafai ona toe fofoina manua ma mafatiaga ua aafia ai o ia ma lona aiga ona o lenei mataupu.
Fai mai ia na ia ave le mataupu i le tulafono ia faailoa ai o faaiuga e faia e leoleo e faasala se tagata e le tatau ona tuumamaina.
