O si tama e toalua si ana fanau e suafa ia Ray Barrago ua lipotia mai i le 9News i le aso ananafi ua maliu a o taumafai e laveai mai si ona tina matua mai le afi na sasao ane i lo latou fale i Sini.
Ua ta’a i le lipoti o se tagata agaalofa ma o lona toe momo’e i totonu o le latou fale a o sasao ane le afi e laveai si ona tina na mafua ai ona aafia.
E faapea se faamatalaga e taunuu atu le vaega a le tineimu ua malosi le sasao a le afi i le fale o le aiga lea i Blacktown i le tea o le 5 i le vaveao ananafi.
Fai mai tuaoi na sao mai i fafo le ua maliu ae o le toe foi i totonu e laveai si ona tina matua na mafua ai loa ona aafia. Mulimuliane sa aveesea mai i laua ma si ona tina i fafo ma le fale ma faia galuega laveai iai peitai na maliu ai lava i lea nofoaga.
O loo suesue nei e leoleo le mafuaaga o le afi ae o loo taofia le tina matua i le falemai i Westmead.
