Ua faamatuu mai nei e leoleo I Sini nisi faamatalaga e faatatau I le faalavelave na tatui ai sei vaeane le faafofoga se tagata I luma o le toatele o tagata I le faaaliga, le Royal Easter Show ile po anapo.
O le faamatalaga a leoleo o se talavou e 17 tausaga e faigaluega I le Easter Show lea ua aafia.
Fai mai na faia iai togafitiga e leoleo ao lei taunuu atu le taavale a le falemai ma auina atu ai I le falemai I Westmead peitai na maliu si talavou ae lei oo I le falemai.
Fai mai le lipoti a le 7news o leisi talavou e 16 tausaga na aafia foi ma iai manuaga ma o loo tigaina foi I le falemai I Westmead. Na pueina e leoleo se talavou e 15 tausaga ise nofoaga lata ane ma auina atu loam o suesuega I le ofisa o leoleo. Ua taua mai e foliga o le tagata na faatinoina le osofaiga e lei maua e leoleo.
Ua iai ata I luga o le social media ua faailoa ai nisi o taimi o le vevesi lea ma ua talosagaina e leoleo le fesoasoani a nisi na molimau I lea faalavelave I le po anapo ina ia fesoasoani ane ile suesuega.
