E toatasi ua taofia nei ma molia i le fasioti tagata faamoemoeina mai le faalavelave na maliu ai le tagata i Waikato i le po anapo.
O le tuatusi o Cavan St i Ngāruawāhia na alu ane ai le valaau mo se fesoasoani a le vaega o faalavelave faafuasei i le latalata i le ‘afa le 9:30pm anapo.
I se faamatalaga mai leoleo, e taunuu atu ua maliu lea tagata i le fale na faailoa ane i le lipoti.
E 23 tausaga o le alii ua molia nei i lea faalavelave, ma o le asō lea e tulai ai lenei alii i luma o le Faamasinoga Faaitumalo a Hamilton.
E leai se isi tagata o toe sailia e sootaga atu i lenei faalavelave, e pei ona ta’ua e leoleo, ae o loo faaauau pea suesuega a leoleo i le siomaga o lenei faalavelave.
