Ua lipotia ua maliu se tagata tietie pasika i se faalavelave tau taavale i Victoria.

O le uilaafi ma le ute na lavevea i High St i Kangaroo Flat o se faaitu i Bendigo, poo le ‘afa o le 4 i le afiafi ananafi, fai mai na sasao ane ai ma se afi i le uilaafi ma maliu ai lava lē na tietie atu ai.

O le avetaavale o le ute na ave i le falemai ma o loo iai i lalo o le vaavaaiga a leoleo ae lipotia e lē tigaina tele manu’aga.

O le taimi nei o loo faia le suesuega i le mafuaaga o le faalavelave ma ua talosaga foi leoleo i soo se tasi e silafia ni faamatalaga ina ia fesootai vave ane i latou.

Puna o Faamatalaga: https://7news.com.au/news/motorcycle-rider-dies-in-two-vehicle-crash-in-kangaroo-flat-bendigo-c-14559657