E toalua tagata na maua atu e leoleo ananafi i se tasi o fale a le Kainga Ora i Aukilani ua manunu’a, ma na mulimuli maliu le isi toatasi i lea lava nofoaga.
O lea ua faasolo suesuega a leoleo i le mataupu lenei o lē ua maliu na faaoomanu’a iai se tasi ma oo ai le oti.
Ua faamaonia mai foi e le pulega o loo vaaia fale o le malo, le Kainga Ora, o le fale i Mt Albert na tupu ai o lo latou fale.
O le toatasi ua maliu o le alii, ae o le isi lea e toalua iai na faanatinati i le falemai i se tulaga tigaina.
Fai mai ai ma leoleo o le a faaauau pea ona vaaia e tagata i Mt Albert sui o le ofisa e oo mai i le asō a o faasolo suesuega.
E oo mai i le taimi na tuufaatasia ai tala fou, e leai se isi ua molia ma o tagata na aafia i lenei feeseeseaiga, e masani i laua.
