I se isi foi faalavelave i Sini lava ua ta’ua mai ai e leoleo ua o latou molia se alii i le fasioti tagata ina ua lipotia le aafia o se tasi alii i se vevesi i Wollongong i Niu Sa Uelese.
O le faamatalaga a leoleo e faapea na valaau ane le fesoasoani faavavave i le fale lea poo le ‘afa o le ono i le afiafi ananafi ma maua atu iai le tagata e 52 tausaga ua aafia i ni manuaga e foliga na tatui e se tagata sei tulou.
Na taumafai atu iai galuega laveai a leoleo peitai e lei manuia ma uma ai lava lona soifua i lea taimi.
O se nofoaga lata ane na pueina ai e leoleo lē ua molia nei e 51 tausaga poo le ta lea o le 10 i le po anapo.
E lei taliaina le talosaga e tatala ai i tua ma e tulai i le faamasinoga i Woolongong i le asō.
