O le tagata lea na maua atu ua maliu i luga o se matafaga i Aukilani i le taeao o le Aso Lua o loo faagasolo pea iai suesuega ae ua faamaonia e se sooupu a leoleo e taunuu atu i le taimi lea poo le tea o le afa o le 11 i le taeao ua le mafai ona tali ane taumafaiga o galuega laveai a leoleo ma e taunuu atu le taavale a le falemai ua faamaonia ua maliu.
O le aso ananafi o loo faagasolo ai suesuega i le mafuaaga o le maliu ma o loo tālia foi se faamatalaga mai le Goat Island dive and snorkel e tusa o lea mataupu ua atoa iai le lima o faalavelave na lipotia ane i leoleo mai luga o vaitafe ma matafaga.
O loo faaauau pea ona faamanatu mai leoleo i tulaga tau le saogalemu a o iai i tafaoga ma malologa o le faaiuga o le tausaga.
