E toatasi se tamaitai ua maliu i le mae’a o lona auai atu i se music festival, faaaliga o musika i Mount Mauganui.
O loo faatino nei suesuega a leoleo i le maliu o lea tamaitai i le falemai i Tauranga i le aso 8 o Ianuari ma o loo faatalia se faaiuga o suesuega a le coroner i le mafuaaga o le maliu.
I ni faamatalaga a i latou sa tuufaatasia le festival ua faailoa ai o lea tamaitai sa vaaia e foliga e gasegase a o sauni e agai ese mai ma le nofoaga na fai ai faafiafiaga ma sa togafitia ai e le aufaigaluega faafomai sa iai i le stadium.
Ua faaoo atu faamaisega a le toatele mo si ona aiga ao faatalia ai se faamaoniga o le mafuaaga o lona maliu.
