Toaono tagata matutua o le Whitianga Care Centre and Village na maliliu i totonu o le 12 aso ona o le fulū.
O le faamaoniga lea mai le Oceania Healthcare ma o le Influenza A lea o loo tuuaia ai.
O le aso 26 o Ianuari na amata aliae ai le fulu, ae o le va o le aso 28 o Ianuari ma le aso 8 o Fepuari lea na faamauina ai tagata maliliu.
O lea o loo galulue nei le pulega a le soifua maloloina ma le pulega o le nofoaga lenei o loo nonofo ai tagata matutua e tusa ma auala o puipuiga, ma o le tala fiafia o lea ua uma le fulū.
Ua faamautinoa mai e le pulega o le fale o tagata matutua, e lē o toe iai se isi tagata o maua i le fulū o iai i le taimi nei ma ua faamaise foi i aiga o tagata matutua ua uma ai soifua ona o le vairusi.
