Ua malaga atu nei le Palemia o Ausetalia Anthony Albanese i le fonotaga a le NATO i Spain a o mata’itū e le lalolagi le taua i Ukraine ma ona aafiaga i tamaoaiga o le lalolagi.
O le uluai taimi lenei ua auai atu ai se ta’ita’i o Ausetalia i se fonotaga a le NATO talu mai le 2008 a o Palemia Kevin Rudd. Ese mai isi mataupu e pei o le malosiaga faaeletise ma le siitia o le tau faapea foi i taumafa, o loo fuafua le Palemia e feiloa’i ma le peresetene o Farani, Emmanuel Macron.
O nisi o faai’uga na faia e le Palemia e aofia ai le faaitiitia o le numera o tagata faigaluega mo sui o le Palemene ua lē fiafia ai nisi o faipule ma o latou ta’ua ai o le a lē palota mo le Leipa mo le faatulafonoina o lea faai’uga.
