O le minisita o tagata Pasefika i Niu Sila nei ma le minisita lagolago foi o le va i fafo, Aupito Su’a William Sio ua faimalaga atu i le atunuu o Niue e fai ma sui o Aotearoa i le faamanatuina o se tasi o aso faapitoa i le talafaasolopito o Niue, le Constitutional Day lea e faia i le  aso a taeao.

Saunoa le minisita e pei ona lipotia e le leitio faavaomalo a Niu Sila, o se aso taua tele lenei i le kalena a Niue ma ao iai i lea atunuu o le a faia ai se feiloaiga a le minisita ma le  premier o Dalton Tagelagi ma le minisita o le social services faapea foi ma le kapeneta a lea atunuu. 

O Niue e na o le 82 tagata na faamauina le aafia i le koviti  talu mai Mati o le tausaga nei na muai taunuu ane ai le tagata muamua mai nIU SIla na aafia i le faamai koviti 19. 

Ua faailoa foi o le a feiloai atu foi le minisita i nisi o ofisa sinia a Niue o loo latou faatautaia puipuiga ma togafitiga faatatau i le faamai i totonu o lea atunuu.