Ua faamaonia mai e le taitai o le atunuu le

Tamaitai Palemia Fiame Naomi Mataafa ua maea le suesuega a le Komisi o tagata Faigaluega a le Mālō le PSC lea na faia faasaga le Sui Ofisa Sili o le Matagaluega o Tiute ma Tupe Maua ia Alvin Onesemo ona o ni tuuaiga o amio lē taupulea poo le misconduct.

Taua e le Palemia o le Minisita foi lea o le Komisi o Tagata Faigaluega a le Mālō, o le vaiaso nei e ono oo atu ai lea mataupu i luma o le laulau a le kapeneta.

O Alvin o loo tuuaia i le masalomia o lona ave ai tua o se shipping container i se tasi o sui o lona aiga le ao loo avea nei ma se tasi o Minisita o le Kapeneta i le maea ai o ni faamaoniga tatau (proper approval).

I le masina na tea nei na taua ai e le Komesina o le Komisi o tagata Faigaluega Lauano Vaosa Epa ua tuu atu lea mataupu i le Kapeneta mo iloiloga ma suesuega. 

E pei ona silafia o le masina o Iuni o le tausaga na tea nei na amata ai suesuega faasaga i lea alii, i lea taimi sa taumafai ai foi lē sa avea ma Komesina e faia se sailiiliga a le Matagaluega o Leoleo faasaga i le mataupu. 8 masina ua tuanai lea ua maea lea sailiiliga ma ua tuu atu i luma o le Kapeneta.