Ua toe foi vaa leoleo mai Amerika lea na faia le galuega o le leoina o le ogasami a le atunuu faapea Amerika Samoa a’o tau togafiti ai le aafiaga o le Nafanua II.
Ua toe taliu atu nei ia vaa leoleo i Honolulu i Hawaii ina ua maea le 42 aso na faia ai le latou galuega i ogasami o le Oceania o se vaega o a latou gaioiga ua faaigoaina “Aiga” e pei ona faaalia i se pepa o faamatalaga.
“O auvaa uma e lua na galulue i le 14,000 maila e leoleo ai ogasami mo Samoa faapea Amerika Samoa” Faailoa foi e lea pepa o faamatalaga o le auvaa i vaa uma e lua sa feagai ma ni aoaoga poo trainings ma le French Armed Forces i French Polynesia.
O lea galuega “Aiga” e fesoasoani ai lea i atunuu o le Pasefika ina ia saga saogalemu ai ogasami o atunuu ma puipui mai ai i ni faiga solitulafono . O lea la ua maea le latou auaunaga fesoasoani mo le atunuu ma na o latou faailoa e tuu mai pea le latou tau’au fesoasoani i vaega tau puipuiga o ogasami a le Pasefika i le lumanai
