O lea ua malie ane le ta’ita’i o Lusia, Vladimir Putin e taofi lē tumau osofa’iga e aga’i i le malosi’aga ma mea o le si’omaga i totonu o Ukraine i le mae’a o sa la talanoaga umi ma le Peresetene o Amerika i luga o le telefoni.
Fai mai o le faalua ai lea ona talanoa Trump ma Putin i le mataupu lea ma ua malie ane Lusia i le taofia lē tumau o isi o ana osofa’iga ia Ukraine.
I se vaega o fetuuna’iga sa saunoa ai Putin i le mae’a tuuina atu o le maliega ua malilie iai Amerika ma Ukraine, na ta’ua ai e Putin e tāua le taofia o le fesoasoani tau militeli a Amerika ia Ukraine, e lē o ta’ua la se tali ane a Amerika i lea finagalo o Lusia, pau le isi itu ua lipotia mai e faapea ua faailoa e Putin ia Trump o taeao e tatau ona faataunuu ai le fesuia’iga o pagota o taua i le va o Ukraine ma Lusia.
Puna o Faamatalaga: https://www.google.com/amp/s/amp.cnn.com/cnn/2025/03/18/politics/trump-putin-ceasefire-russia-ukraine-war
