E 4.6 i le fua mafui’e le malosi o le mafui’e na faalogoina i Vitoria i le vaveao analeila.

Sa faamauina i le tusa ma le 127km i le itu i Sasae o Melepone e lata i Rawson poo le ‘afa o le tasi i le vaveao.

O loo faamauina e 7km lona loloto. 

Pe ā ma le 7 afe tagata ua lipotia na o latou faalogoina le taimi na lūlū ai pei ona faamauina e le Geoscience Australia ma faalogoina foi i Melepone.

Talu ai nei ua maitauina ua faaopoopo pea le aofai o mafui’e i Melepone e aofia ai ma le tolu sa faamauina i le masina o Me.