Ua lē faaaogāina le siitaga o le totogi maualalo na sau mai fautuaga a le matagaluega o pisinisi ma galuega.
O le vaiaso talu ai na faailoa mai ai e le malo o le a sii i le $23.50 i le itula le totogi maualalo i Niu Sila e amata mai le aso muamua o Aperila o le tausaga a sau, e tusa lea ma le 1.5%.
Peitai, o se faai’uga ua sosoo ai nei tausaga e lua e lē o faaaogāina e le malo le totogi maualalo na fai mai ai matagaluega, lea foi na fai mai e tatau ona sii i le 2% le tausaga fou, e tusa lea e $23.60.
Mai le matagaluega o se maualuga e lē gata e puipuia ai galuega mai le ono ma’umau, ae faapea le faafetaia’ia o le alu i luga o tau o oloa ma auaunaga.
Faaalia ai e le sui o le Council of Trade Unions i tala a le 1News, e lē fou le faia lava o le siitaga a le malo ia e ese mai fautuaga a le matagaluega ma o lea lava foi o loo tu malosi lea itu i le tulaga sa tatau ona sii ai le totogi maualalo faatulafonoina i Niu Sila e fua aga’i i le living wage lea e $27.80 i le itula.
Puna o Faamatalaga: Minimum wage rise less than MBIE recommended – again
