E 2 lelei kamupani faufale tetele a Ausetalia ua faailoa i le aso ananafi ua faaletonu auaunaga ona o nisi vaega ua faafaigata ona ausia ma faaletonu ai poloketi o loo galueaina.
O le kamupani e faamautu i Melepone o le Porter Davis Homes lea e oo atu i le 470 le aufaigaluega ma e silia ma le 1,500 fale o loo galulue ai i le taimi nei i le fausiaina atoa ai ma le isi kamupani o le Lloyd Group pe ā ma le 200 ana tagata faigaluega ma e 59 poloketi o loo a le malo o loo galulue ai ae ua faamuta foi lana auaunaga i le aso ananafi.
O loo faailoa i lipoti a le 9News o le mafuaaga o le faaletonu e pei ona lipotia o le faatupulaia pea o le tau totogi mo le fausiaina o nei galuega ma ua oo lava ina lē lelei ai le faagaioiga o nai nei pisinisi.
O le itu aupito sili ona faanoanoa i nei ituaiga lipoti ona o aafiaga o ia tulaga i nai tagata faigaluega o le a feagai foi ma le luitau tele o le tau sailia o nisi galuega mo le tausiga o aiga.
