E fiafia le alii taalo o Jeremiah Nanai e toe nofo i lana kalapu le North Queensland Cowboys ma e lē na o le tupe le mafuaaga o lea faaiuga.
Ua ta’ua i lipoti a le 7News i le vaiaso nei o Nanai e mae’a lana konekarate i le kalapu i le faaiuga o le season i le tausaga fou.
O loo ta’ua i lipoti ua agiga o loo iai se ofa ua tuuina atu i le alii taalo e faapea e 4.2 miliona mo le lima tausaga mai se kalapu i Sini.
Fai mai le 7News e tasi le tausaga le faaopoopoga o le konekarate ua sainia e Nanai ae ua tele isi ofa ua tuuina atu i le alii talavou.
O loo ta’ua i lea lava lipoti se faamatalaga a Nanai o le aofai o tupe o loo feta’ua’ina i nei ofo e tulaga ese peitai o ia e fia latalata i si ona aiga o lona uiga e le ono iai se gaioiga e agai mai i Sini.
Fai mai Nanai o Cairns lona aiga ma o Townsville e le o mamao ese ma e le o fia agai ese ma lona aiga ma e le toatele foi ni ona aiga i Sini.
O Nanai lea sa ia mauaina le faailoga o le Dally M Rookie of the year 2022.
