O le alii taalo iloga a South Sydney o Sam Burgess na ia teena ona moliaga i le faamasinoga e faatatau i le avetaavale e leai se laisene e pei ona faailoa i lipoti a le 9News i le asō.
O Burgess ua ta’ua mai i lipoti ua kilia nei lona igoa mai lea tuuaiga ma o le faaiuga ua faia e le RMS -Roads and Maritime Services e pei ona faamatala e lana loia.
Fai mai lana loia e lē iloa e Burgess o loo avetaavale e leai sona laisene.
O loo avea nei Burgess ma faiaoga lagolago i le Rabbitohs ae na taofia e leoleo ma faia iai suesuega mo ni fualaau faasāina ma ta’ua ai sa avetaavale ae le o iai se laisene.
