O se vaaiga i le tulaga o iai nei le Koviti-19 i totonu o Ausetalia. Ua faailoa mai i Niu Sa Uelese e 24 le au maliliu, 2,141 gasegase o le koviti o loo i falema’i, to’a 60 i potu tigaina ma e 7,145 tagata na faamaonia le aafia i le koviti i totonu o le 24 itula talu ai.
I Vitoria ua faamauina e 535 gasegase o le koviti o loo i falema’i, 28 i potu tigaina ma le to’a 20 ua maliliu. E 4,858 isi tagata ua faamaonia le aafia. I Tasmania e to’alua ua maliliu, 518 isi tagata ua aafia i le faama’i ma le 61 o gasegase taofia i maota gasegase.
I Kuiniselani e to’a 17 ua maliliu, 487 o loo taofia i falema’i ma le to’a 23 i potu tigaina. O le aso ua faamauina ai e 3,232 tagata ua faamaonia le aafia i le Koviti-19. O le ACT e to’afā ua maliliu ai, 138 gasegase o le koviti i falema’i, to’alua i potu tigaina ma le 412 o isi foi tagata ua faamaonia le aafia.
