I se tala aupito lata mai o le taua ua faailoa ai e le CNN le faailoa ane e Trump o loo faia nei ni faatalanoaga ma se faigāmalo fou i Iran ina ia matua’i faaleagaina vaega uma o loo maua ai malosi’aga poo le energy a Iran pe afai e lē ausia lava se maliega e faauma ai le taua.
Sa faailoa muamua e Trump ua toeitiiti lava taunuu i se maliega ma Iran peita’i o lea lava e le’i mautū mai sea tulaga.
Ua lipotia e le CNN se faamatalaga mai le sooupu o le va i fafo a Iran Esmeil Baghaei e faapea e lē o iai ni feutana’iga tuusa’o i le va o Amerika a Iran ae na o fetusia’iga e aofia ai isi tagata.
Ta’ua foi i lipoti mai le BBC o loo alu pea i luga le tau o le penisini ua oo i le $115 tālā i le paelo ma ua toe siitia foi le tau i le United Kingdom.
E iai isi osofa’iga fou ua faia i Iran, Lepanona faapea foi ma Isaraelu.
Ua lipotia foi se faamatalaga a le Palemia o Isaraelu, Benjamin Netanyahu sa faia i se TV i Amerika e na te lē fia tuuina se schedule poo se faatulagana o se taimi e uma ai le taua lea i Iran.
O se isi faamatalaga mai le Minisita o le va i fafo a Iran, Abbas Araghchi sa faia ia Saudi Arabia na ia ta’ua ai ua oo i le taimi e aveese mai ai vaegā’au a Amerika mai Iran.
Puna o Faamatalaga: https://www.bbc.com/news/live/c8jke9v9xv9t
