O le 30 ai lenei o aso o faaauau pea le taua i Iran ma ua faailoa e le CNN ua tuua’ia e le Fofoga Fetalai a Iran le malo o Amerika i le fuafua nanā o ana osofa’iga i luga o laueleele a o faalālā mai faamatalaga o loo faia feutana’iga.
Ua faailoa foi e le Fofoga Fetalai o loo faatali mai foi vaegā’au a Tehran mo latou.
Ua faailoa e Isaraelu ua sauni ana vaegā’au mo taua ae faato’ā mae’a ona tafana ane missiles e 2 a le Houthi Rebels ia Isaraelu ma e le’i iai se isi na aafia ai.
O le Houthis Rebels e faamautū i Yemen ae lagolago e Iran.
E 3,500 seila ma maligi a Amerika ua taunuu nei i Sasa’e Tutotonu ae ua faataga ane e Iran le pasi ane o vaa e 20 i le Strait of Hormuz, ua faataga na o vaa o loo i lalo o fu’a a Pakistan.
I isi lipoti ua ta’ua ai le faia o talanoaga a atunuu e pei o Aikupito, Saudi Arabia ma Take i Pakistan mo le sa’ilia o ni auala e faamuta ai le taua.
O le mae’a o ia fonotaga ua faailoa ane ai e Pakistan ua sauni e talimalo i ni talanoaga a Iran ma Amerika e faatalanoa ai le taofia o ia vevesi.
O se faamatalaga ua lipotia i le CNN mai se tasi o sui sinia a Iran ua ia ta’ua ai o le taua lea o le taua a latou ma o le a lē toe taofia se’i vaganā ua latou a’oina se lesona ia Trump ma Netanyahu, o se lesona e autausagā o manatua pea.
Puna o Faamatalaga: https://edition.cnn.com/2026/03/28/middleeast/us-israel-iran-middle-east-war-day-30-what-we-know-intl-hnk
