Sa faalauiloa mai i le asō se isi video e foliga mai o loo iloa atu ai le pailate Niu Sila o Philip Mark Mehrtens lea na ave faamalosia e tagata i le pitonuu e faaigoa o Papua i Indonesia.
O loo tulituliloa lava e talafou le mataupu lenei ae o le video e foliga o loo iloa atu ai Mehrtens o loo saofai mai a o ona tafatafa o loo iai ni alii se toalua e foliga o ni sui o le kulupu lea na ave faamalosia le pailate.
O loo fai mai sana faamatalaga i luga o le video, o ia o loo manuia ma o loo tausami lelei foi ma e le o iai ni ona faafitauli i le aumau ai ma i latou na pueina o ia ae o loo popole i osofaiga a le militeli poo le ami a Indonesia o loo faia atu i lea faaitu.
O loo ia talosaga ane ai ia taofia ia osofaiga ona o le lamatia ai o latou ma isi tagata o loo iai i lea nofoaga.
