A itiiti mai pe a ma le 36 tagata ua maliliu I le koviti 19 mai Ausetalia fua I le lipoti aupito lata mai o le koviti ua faailoa I le aso I Ausetalia. E toa 17 tagata maliliu mai Niu Sau Uelese lea ua faamaonia foi I le aso le tusa ma le 10,321 o isi foi tagata ua aafia.
O Vitoria e toa 18 tagata maliliu ma le 12,722 o isi foi tagata ua aafia I le vairusi . O Tasmania e toatasi ua maliu ai male 1,021 isi tagata ua faamaonia foi le aafia.
Ua faamaonia foi e le soifua maloloina I ausetalia ua toeitiiti 20 miliona isi tagata matutua Ausetalia ua maea ona faia uma tui puipui o le koviti 19 ae fai mai faamatalaga mai le faigamalo ma lana fuafuaga faaigoa ole Operation Covid Shield. E 19.7 miliona tagata ua maea ona faia uma tui puipui tusa lea ma 95 pasene o tagata tai 16 tausaga ma sili atu.
Toeitiiti 13.5miliona tagata ua maea ona faia tuipuipui faaopoopo poo le booster, tusa lea toeitiiti 70 pasene o le faitau aofai o tagata ua tatau ona faia lea tui.
