I se lipoti lata mai o le Koviti-19 ua faailoa mai i le asō e le Malo o le a leai se suiga i fetuunaiga o tulaga o le Koviti-19 i le aga atu i faigamalologa o le tau mafanafana o lona uiga o le a manaomia pea ona faanofoesea tagata mo le fitu aso pe afai e faamaonia ua aafia i le koviti.
I totonu o le fitu aso talu ai ua faailoa mai e 42,740 tagata na faamaonia ai le aafia i le faamai ma ua faailoa foi e le soifua maloloina e toa 64 isi tagata na maliliu e iai sootaga i le vairusi i le vaiaso ua tea.
E oo mai i le vaeluaga o le po anapo e 581 gasegase o le koviti o loo taofia i falemai e aofia ai le toa 15 i potu tigaina.
Mai le aofaiga o tagata ua aafia i le vaiaso talu ai o le 12,809 o i latou ia o tagata ua faalua ai lea ona aafia i le koviti.
O faamanatu masani o talifofoga, rapid antigen tests ma tuipuipui o loo maua fua ane mai le tele o nofoaga i le atunuu ma ua fautuaina tagata ia faaaoga ia fesoasoani i le vaitau o aso fiafia e fesoasoani i le puipuia mai le aafia i le faamai.
