E toalua tamaiti e itiiti ifo i le 10 tausaga le matutua, o loo aofia i tagata ua faamauina ua maliliu i le koviti i le lipoti aupito lata mai o le faamai mai le Soifua Maloloina.
Fai mai e 7702 i latou ua aafia i le koviti i totonu o le 7 aso talu ai, mai le aso 19 o Iuni i le Aso Sa, aso 25.
O le aofai o tagata aafia i le lipoti lea ua faaitiitia pe a faatusa i le vaiaso i luma atu e 8544.
E oo mai i le po o le Aso Sa, e 181 gasegase o le koviti o loo taofia i falemai ma le toalima i potu tigaina.
E 36 i latou na aafia i le faamai pe iai foi ni sootaga i le koviti e aofia ai ma nai tamaiti e toalua e pei ona ta’ua e i lalo o le 10 tausaga le matutua.
Mai lea aofaiga e toa 36, e toafitu ua faamauina mai Aukilani, 6 mai Canterbury, 4 mai Midcentral, 3 mai Northland, Waikato ma Nelson, tai toalua mai Bay of Plenty ma Lakes District faapea foi Whanganui ma Southern ma le taitasi na maliliu mai Taranaki ma Ueligitone.
