I le mae’a ai o aso e lima o le taamilosaga Tenisi ua faamaonia le sao ai nei o le tamaitai Samoa ia Eleanor Schuster i le vaega o tamaitai ta’ito’atasi (Women Singles) i le isi laasaga poo le Quarter Final lea o le a feiloa’i ai ma le sui o le ‘au a Papua Niu Kini.
O le vaega o tamaitai e to’alua (Womens Double) lea foi ua saofagā atu le ‘au a Samoa i le Quarter Finals le tamaitai ia Mahinarangi ma Eleanor Schuster lea o le a feiloa’i ai ma le ‘au mai Northen Marianas.
O isi ‘au taaalo a le atunuu e pei o le ‘au siisii u’amea mamafa ua mae’a ona fai siaki ma ua sauni e tauva i le vaiaso nei. O le Aso Gafua na amata ai taaloga Volipolo i luga o le matafaga ma le siisiiga u’amea mamafa ae o le aso ananafi na amata ai le taaloga afeleti ma le taaloga tagapolo.
Ripotia mai le manuia atoa o le ‘au a le atunuu i totonu o Saipan ma o loo lelei le tali atu o le komiuniti a Samoa i lea atunuu i le tausiga o le aumalaga.
