O le lagolago a Samoa i taumafaiga uma o loo faatino e atunuu ma faalapotopotoga eseese i le lalolagi e faaaogā malosi’aga faafouina i le naunauta’iga e faasaoina le lalolagi mai suiga tetele o le tau, ua amata faaaogā ai se tasi o auala o fela’ua’iga o vaa ‘alia e ola i le eletise ae lē faaaogāina ai le penisini ma suāuu.
Photos: Government of Samoa / Savali Newspaper
O feoa’iga i le motu o Manono ua faaaogā ai vaa ‘alia e lima e ola i le eletise sa fausia i se fesoasoani a le malo o Iapani ae lagolago iai nisi o auaunaga a Malo Aufaatasi e pei o le UNDP.
O malaga i aso uma i le motu o Manono e pei ona silafia o loo tele ina faaaogā ai ‘alia e ola i suāuu ma penisini, ae o le taimi nei ua faaaogā ‘alia fou e ola i le eletise.
Se vaega o le saunoaga a le Sui Palemia ma le Minisita o Galuega Tetele, afioga Toelupe Maoi’autele Poumulinuku Onesemo i le sauniga na amata faaaogā ai ‘alia e lima e ola i le eletise mo malaga i le motu o Manono.
