Ina pepese Aleluia ua fanau le tupu! Ua lata mai le aso e faamanatu ai le fanau mai o Iesu, lo tatou Alii Faaola. Le pepe o le Kerisimasi. Amata nei loa le taumafaiga, e faagata i le aso 20 o Tesema. O le a faia le se’i i le aso lava lena i le 10 i le taeao. (faitau manino aiaiga)

Leai se taunuuga manuia o le fonotaga ma o le a faataunuuina pea le tetee a faiaoga

March 15, 2023
Niu Sila
Tusia: Salavao Masimino

E leai se taunuuga manuia o le fonotaga a le malo ma le iuni o loo tu mo faiaoga ma o lea e oo lava le solo tetee tele a taeao.

E silia ma le 800,000 fanau aoga mai lava i aoga tulagalua agai i Vasega 13 o le a aafia aoga i le aso a taeao e ui e iai nisi ua talosaga mo le faatagana faapitoa e faaauau ai pea a latou aoga.

I le mae’a ai o le feiloaiga a le iuni ma le matagaluega o aoga ananafi na sau ai ma le tala e ui o se feiloaiga e matagofie suiga na talanoaina peitai e lei faapea a mea na iai se ofo aloaia na aumai e le matagaluega.

Ona o lea ua toe talosaga ai le iuni i le matagaluega e toe feiloai i le vaiaso fou e talanoa le siitaga o totogi o faiaoga faapea ai ma nisi o itu o le auaunaga.

O le solo tetee a taeao o le uluai taimi lea ua tutu faatasi uma ai faiaoga o aoga amata, o aoga tulagalua faapea ai ma faiaoga o aoga maualuluga ma o le toatele o fanau aoga o lea ua tauaao e matua imeli ma tusi mai aoga o le a leai ni aoga.