Ua faia foi e Ausetalia le faaiuga o le a leai se suiga i ana tulafono e faatatau i tagata malaga mai i le atunuu mai Saina e ui i nisi o fetuunaiga ua faia e isi atunuu e pei o Amerika.

O lea ua faailoa mai o Initia ma Italia, Iapani ma Taiwan ua faia a latou fetuunaiga i tulaga o faigamalaga ma ua manaomia ai tagata mai Saina e malaga atu ina ia faaali faamaoniga o negative test o le koviti faatoa mafai ona malaga atu.

Saunoa le Palemia o Ausetalia o le a faaauau pea ona faalagolago faaiuga i fautuaga mai ia i latou e popoto faapitoa i mataupi nei, i latou o loo galulue i le matagaluega o le soifua maloloina.

O loo faaauau pea feutanaiga a Saina ma Ausetalia i mataupu tau fefaatauaiga ma ua faailoa o loo sologa lelei.

O oloa autu e fa o loo auina atu e Ausetalia ia Saina lea sa iai ni nai papuipui i le tuanai e aofia ai le barley, uaina, aano o manufasi ma crayfish.