E faaauau pea ona solo tetee tagata faigaluega a le Auckland University seia vagana ua malilie.

Talu mai feutanaiga ia Aokuso o lea na amata faia ‘afa aso e faailoa ai le tetee o le aufaigaluega o loo i lalo o le iuni atoa ai ma le tala e le faailoaina grades poo faaiuga o suega a fanau.

O le taofiofi o grades a fanau mai le faailoa i luga o system o loo iloa ai faaiuga o taumafaiga na amata mai ia Novema aso 14 ma o le Aso Tofi nei e tatau ona uma ai.

E ese mai i le siitaga o totogi o loo faatalosaga e le aufaigaluega, o lea foi e le o fiafia i suiga o konekarate fou toe iloilo.

O le taofiofi o faaiuga o taumafaiga a fanau ua o se itu o loo ioe sui o le iuni o loo aafia ai fanau peitai ua leai lava se isi mea e tua iai.

I lipoti a le leitio a Niu Sila, e 9% le siitaga ua aumai e le iunivesite e faia i totonu o le lua tausaga ma le 11% mo le aufaigaluega o loo totogi le $60,000 agai i lalo.

Peitai a o tali mai ai le iuni ma taumafai e fetuunai ma le iuni, e foliga mai e le o malilie iai le aufaigaluega o loo i lalo o le iuni.