E silia ma le 10 taavale na faaleagaina pa’u o taavale ona o le ta o le auala tele i Napier, ma e leai se fesoasoani mo i latou nei.
E ta ane le 3 i le afiafi o le Aso Gafua o le vaiaso nei ua faaoo atu i le puleganuu a Napier talosaga e 35 mai avetaavale na uia Meeanee Rd i le Aso Sa.
O taavale nei na faaleagaina pa’u ona o le ta o le auala tele, ma ua telegese ai le ō o taavale, ae o isi ua faaleagaina ai le vali faapea le tioata ona o ‘ili’ili.
O loo tuua’ia ai e le puleganuu a Napier le malosi tele o le lā faapea loli mamafa ua faaleagaina ai le ta.
Fai mai ai nisi o fai auala, e leai se tali o le faafitauli mai ia i latou ona e lē mafai ona toe aveesea mai pa’u o taavale.
Mai le sui o le puleganuu, e ui o lea e iai inisiua mo avetaavale ua faaleagaina taavale, o loo fautuaina pea le talanoa muamua o tagata aafia ia latou kamupani inisiua.
Puna o Faamatalaga: Tyre specialist stunned at car damage from Napier roadworks | RNZ News
