E maualuga atu lafoga totogi a tagata e feololo tamaoaiga na i lo tagata o loo maualuluga tupe maua.
O faamaoniga nei ua aumai e lipoti e lua a le IRD faapea le Treasury ma na aoao mai i aiga maumea e 311 i totonu o le atunuu.
E na o le 7% o tupe maua a aiga maumea Kiwi e maua mai totogi faapea tupe o loo toe maua mai sea poo dividends, peitai o le tele o tupe maua e maua mai fale faapea pisinisi.
Ua o ni lipoti ua toe lagona ai finagalo e le o iai se faiga tutusa i le tax system a le atunuu ma ua moomia i le malo ona fai se faiga.
Fai Chloe Swarbrick o le Greens e le o fetaui le itiiti o lafoga totogi a tagata maumea na i lo aiga o loo feololo lo latou tamaoaiga.
O capital gains le isi itu o loo maualuga ai tupe maua a tagata milionea i totonu o Niu Sila, peitai o tupe mamā nei e le o totogia ni lafoga e ui o lea sa tau agai iai le Labour.
Ae o se manatu mai le minisita o tupe maua David Parker, o lona manaoga ia faia se tax system e taufai tutusa uma ai tagata, peitai e le o le taimi lenei.
