Ua faamaonia mai e le Matagaluega o Leoleo i lenei vaiaso e leai se faalavelave matuiā na tulai mai i le faaiuga o le vaiaso mo le Aso Sa pa’epa’e a le fanau .
Faailoa e le afioga i le Sui Komesina o le Matagaluega Papalii Monalisa Tia’i Keti i faamaumauga a le Ofisa e le’i lipotia atu se faalavelave tuga talu mai le long weekend o le Lotu a Tamaiti ma i le tele o isi valaau masani a le atunuu ua fai foi si pa’ū maualalo pe a faatusatusa atu i le tausaga na tea nei.
Saunoa Papalii, “O stats o tulaga o le long weekend pe a tuu foi, comparison i le tausaga ua tea nei e 146 le aofai o mataupu lea sa faatoai mai i le Matagaluega mai le Aso Faraile seia pāia le Aso Gafua o le White Sunday weekend ae i le tausaga 2021 e 220, e fai sina pa’ū i lalo o le fainumera o mataupu na faatoai mai”.
Na ia ta’ua foi, “E leai se mataupu tugā na faailoa mai i le long weekend ma e fai lava si lelei o tualga o stats nei ua faamauina e le Matagaluega e atagia ai o lea sa focus lava le atunuu i le faamanatuina o le aso pa’epa’e o le fanau”.
