E le o toe mamao aloaia le faamāmā avega o le a lē toe totogia ai e gasegase le $5 mo talavai.
O talavai nei o loo totogi e le malo ma o loo totogi pea le $5 pe a agai e piki.
Ua saunoa le minisita o le soifua maloloina Dr Ayesha Verrall, o le toatele o tagata o loo talaina talavai nei o tagata Maori, Pasefika faapea i latou e maualalalo tupe maua ma o se isi lea avega le toe totogi o le $5.
O le paketi a le malo na sau ananafi o loo sau ai ma le suiga e le toe totogia le $5 ma e amata aloaia mai le masina o Iulai o le tausaga nei.
E $619 miliona mo le fā tausaga lea ua faatupe ai e le malo.
A o fai mai ai le malo o se fesoasoani tele mo aiga, ua fai mai le National afai ae tulai mai i le palota tele i le masina o Oketopa latou te faaleaogaina ma toe aumai le $5 e totogi pea mo talavai nei.
