E le faigofie le oo atu i le nofoaga e pu’e ai le train poo le siaki atu foi o le app, ae sau le tala e leai se malaga i le taeao nei.
O lagona nei o le toatele o tagata Aukilani na aafia taimi usu i galuega ma aoga i le taeao nei ina ua faaleaoga uma faigamalaga a trains i Aukilani.
Saunoaga a le minisita o femalaga’iga, Michael Wood o le faaletonu o nisi o uaea tau eletise ua mafua ai ona lē oo malaga a trains ma e faapea e tatau ona vave faaleleia.
O trains feoai e faaaoga ai le laina agai i Saute o lea na muamua fai mai e tatau ona ‘afa ane le fitu ua toe feoai, peitai e tuufaatasia tala fou ua toe tuu i tua ona e tele se galuega e moomia ona fai i laina eletise i Grafton lea ua mafua ai ona leai ni malaga a trains.
Maua e tala fou le tutumu o malaga a pasi i le tele o vaega o Aukilani i le taeao nei ma e le faigofie i le toatele ona e le tele ni rail buses poo pasi nei e suia malaga a trains pe a leai.
