Ua leaga uma masini e maua ai le ea o le okesene mo le maota gasegase i Motootua, ma ua aumai ai fagu okesene mo le maota gasegase o Tupua Tamasese Meaole mai Amerika Samoa.
O se galuega o loo faaaogā ai le vaaleoleo o le Nafanua o loo alu ma sau i le fela’ua’iina o fagu okesene.
E lē o iloa poo afea e toe foia ai le faaletonu ua aafia ai masini e maua ai le okesene i lo tatou maota gasegase autū.
O le finagalo o le ta’ita’i o le Malo le afioga i le Palemia, susuga Laaulialemalietoa Leuatea Polataivao Fosi Schmidt i le feiloa’iga ma tusitala i le Aso Gafua.
