Ua leaga le ta o le motorway fou ma o loo faia pea nei suesuega.
O le faaopoopoga fou lenei o le motorway agai i Matu o Aukilani o loo sosoo atu ai i le Puhoi motorway o lea e lei tatalaina aloaia mo ni feoaiga e pei ona tolopo faalua ai ona o le Koviti ma o se tasi o poloketi o le a faaitiitia ai le taimi o faigamalaga i le agai atu i Matu.
Ae o le aoauli o le Aso Gafua na tuli ai e leoleo se tasi o taavale gaoi ma o lea sa faaaogā e leoleo mailei e taumafai ai e faatū ai.
O mailei nei na pa pa ai pa’u o le taavale, peitai e lei tu o lea lava na faaauau i rims seia oo ai lava ina le mafai ona toe alu le taavale.
Ua lipotia e le Herald e tusa ma molimau ua toe faaleagaina ai ma le ta, ma e oo mai i le taimi o tala fou e le o mautinoa mai se tulaga o iai le auala e tusa ma le sooupu a le Waka Kotahi ona o loo faia pea suesuega.
