Amata atu ile aso faraile o le vaiaso nei ona le toe faamalosia le faia o talifofoga poo masks I le tele o nofoaga I totonu poo indoors I Niu Sau Uelese. E le gata I lea amata atu I le aso Gafua a sau o le a le toe manaomia ona faia tai faalua rapid antigen tests a le aufaigaluega I aoga faapea tamaiti aoga sei vagana ua iai ni auga.
O le a tuuina I faiaoga ma tamaiti aoga RAT kits e valu e faaaoga pe a manaomia. O tamaiti aoga foi I aoga maualuluga o le a le toe faamalosia le faia o ni talifofoga amata atu I le vaiaso fou.
Fai mai le NSW Health o le taimi nei e 52.2 pasene o tagata ua maea ona faia tui puipui faaopopo ae 79 pasene o tagata mai le 12-15 tausaga ua maea ona faia uma tui puipui e lua.
Fai mai ua silia ma le 4 piliona le tupe ua faaalu e le matagaluega e faatonutonu ai aafiaga o le faamai i totonu o le 2 tausaga.
