Ua faamaonia ma ua ioe leoleo i lo latou sasi, ae o se sesē na ala ai ona lē talia se talosaga na tuuina atu mo le faaaogāina o le helikopa mo lavea’iga (rescue helicopter) mo le lavea’iina o se teineitiiti 13 tausaga le matua na lē mafai ona toe aga’i mai i lalo, sa i luga o se papa i le matāfaga o Hahei Beach i Coromandel.
O lenei matāupu na alia’e mai i se taimi i le amataga o lenei tausaga.
E faapea na māfua ona lē talia poo le teena foi o le talosaga ae o se fanoga mo le fesoasoani e ala i le faaaogā ai o le helikopa, ona o le manatu o leoleo ua maliu le teineitiiti.
Faamauina i lipoti mai le leitio faavaomalo a Niu Sila (RNZ), i tulaga o le faalavelave, na aafia lea talavou e 13 tausaga le matua ma si ana faauo tama, a o iai i luga o le papa, ma o lea na ia molimauina lava le pa’ū ma aafia ai lana uo, ma maliu atu ai lava.
E faapea e fai sina umi o le taimi na taumafai atu ai sui o vaega o tineimu ma faalavelave tutupu faafuase’i (Fire & Emergency New Zealand) mo lea helikopa i le auaunaga a leoleo, ma le faamoemoe e vave ona faatino ai la latou galuega o le lavea’i mai o lea teineitiiti, peita’i na teena lava e leoleo taumafaiga.
Faamatala i lipoti, na māfua foi le lē talia ai o le talosaga ona ua faailoa atu e leoleo, tulaga o le tau ma le taugatā o le faaaogā ai o lea auala o fesoasoani.
E o lua foi ma le lē sa’o o a latou iloiloga na faatino i lea matāupu.
Ma ona o le tula’i mai o lea faafitauli, o lea na taumafai atu loa le FENZ o le vaega o le ropes team- na aga’i e ala i le taavale; ma e faitau itulā faato’ā taunuu atu i latou i Hamilton; māua e taunuu atu ua leva le po.
Ma o lea faato’ā lavaea’i mai ai lea talavou ae ua aga’i i le tūlua o po ma ao.
I le oo mai ai o ia faamaumauga ma faamatalaga ua fesiligia ai foi poo ā faalavelave e tilotilo iai le auaunaga e ave iai le faamamafa ae o ā foi faalavelave e lē ave iai le faamuamua, ma le fesiligia ai o tulaga o tau i le faaaogāina ai o vaalele lavea’i e tatau ona faaaogā i taimi ua moomia ai se fesoasoani.
Puna o Faamatalaga: https://www.rnz.co.nz/news/national/582146/police-refused-use-of-rescue-chopper-because-they-wrongly-thought-teenager-was-dead
