Ua toe faatumauina lava le ‘au a le faiaoga o Ian Foster lea na iai i le vaiaso talu ai mo le fetauiga lona lua ma Argentina i le faaiuga o le vaiaso nei, sei vagana nai faaopopoga i le au faaleoleo. 

Fai mai le faiaoga i le faatalanoaga i le televise tasi o loo vaavaai i le fausia pea o vaega o le taaloga a le ‘au ma o le vaiaso nei le isi avanoa e faatino ai lea tulaga.

O lea ua faaopoopo ane Dane Coles, Brodie Rettalick ma Beauden Barrett i le faaleoleo ae ua faamatuu ese Codie Taylor mai le ‘au.

O Dalton Papalii lea o le a muamua i totonu nai lo Akira Ioane i le faaleoleo lava, ma Barrett o le a sui iai Stephen Perofeta.

Fai mai le faiaoga ua lelei a latou tapenaga i le taimi nei ma o le a faaauau pea ona galulue malosi tama ia maua se iuga lelei e fiafia ai tagata uma.

O le ‘au lea ua faatulaga: 15 – Jordie Barrett, 14 – Will Jordan, 13 – Rieko Ioane, 12 – David Havili, 11 – Caleb Clarke, 10 – Richie Mounga, 9 – Aaron Smith, 8 – Ardie Savea, 7 – Sam Cane (kapeteni), 6 – Shannon Frizell, 5 -Scott Barrett, 4 – Sam Whitelock, 3 – Tyrel Lomax, 2 – Samisoni Taukeiaho ma 1 – Ethan de Groot.

Faaleoleo: Dane Coles, George Bower, Fletcher Newell, Brodie Rettalick, Dalton Papalii, Finaly Christie, Beauden Barrett ma Quinn Tupaea.

O le taaloga e faia i Hamilton i le ta o le 7 i le afiafi o le Aso Toonai nei.