Ua teena ma lē talia e le Faamasinoga Maualuga le talosaga a le Loia Sili a le Malo, ina ia taofi poo le strike out motion le talosaga a se alii sa avea ma Malu o le Malo le susuga Ituau Junior Ale.
Sa finau lea tamalii ma lana loia e talia lana tagi o se su ua faaulu faasaga i le Matagaluega o leoleo, falepuipui ma le ola toe fuataina, ona o le faaiuga a lē sa avea ma Komesina o leoleo na faamuta ai le tautua a Ituau i le matagaluega.
Na finau foi Ituau e ala i lana loia ia talia lana tagi i aiaiga o le tulafono o loo aiaia ai taimi tapulaa e faaulu ai ni talosaga i le faamasinoga ae ua mae’a le taimi sa tatau ai ona tuuina ai.
Peitai na faaulu e le Loia Sili le talosaga e taofia ai ona faaauau lea suesuega i le faamasinoga ona ua muta le avanoa i aiaiga o le tulafono o le Limitation Act o le tausaga 1975.
O le teena uma o nei finauga e lua ua faatonuina ai itu auai ia totogi lava e le itu ia le tau poo le cost na tuuina atu ai ia talosaga mo le suesueina.
