E latalata i le 1,000 tagata ua filifili e lē manana’o i le $350 mai le malo e fesoasoani mo le tau o le soifuaga o loo iai.
O lea ua tele ina i totonu o tusitupe a tagata agavaa i lea peimeni le $116 muamua. O le taeao ananafi e 56 na faailoa mai e le Inland Revenue e lē manana’o i le tupe, ae ta ane le tolu i le aoauli ua oo i luga i le 970.
O i latou nei e lē o manana’o i lea fesoasoani tupe e aofia ai le to’atele ua tele tausaga talu ona nofomau i atunuu mamao. Ua sau ai foi tala mai le Inland Revenue o loo mafai lava ona toe faafoi mai le ulua’i peimeni ua mae’a totogiina atu poo le faafesoota’i foi o le Inland Revenue i le telefoni.
E lē o mafai ona faamautinoa mai e le Inland Revenue pe to’afia tagata lē agavaa ua nonofo i atunuu mamao a o lea na sese iai le ulua’i peimeni o le $350.
Ua maua e tala fou e iai nisi na o latou mauaina le ulua’i peimeni ae sa lē tatau ona e lē agavaa, ma ua faailoa o le a talia pea le peimeni muamua a o isi peimeni e lua o loo totoe o le a toe faafoi.
O le peimeni lona lua ma le tolu, o le a totogiina mai i le ulua’i aso o Setema ma le aso 3 o Oketopa.
