E lē lelei ma e lē sa’o le faaiuga a le Council a Gore o loo taumafai ai nei e aveese le pulenuu talavou ia Ben Bell.
O le finagalo lea o nisi e aofia ai le taitaifono o le Mataura Community Board, Nicky Coats, faapea le peresetene o le Local Government New Zealand, Stuart Crosby.
O ni lagona faaalia a o tālia ai le fonotaga a le Council a Gore o le a faia i le asō e palota ai le faamalolo o le pulenuu.
O lagona faanoanoa o i laua nei e mafua lea i lipoti e faapea e faaese e le Council le pulenuu talavou, e ala lea i le ta’u sese iai o taimi o fonotaga.
O loo tuuaia foi le sui pulenuu poo lē o loo taulamua e aveese le pulenuu talavou, e ese foi le mafuaaga o loo tu mai tua.
Ae i fonotaga na ta’u sese agai i le pulenuu taimi e faia ai, ua tali mai le Council ma fai mai ua faatoese le aufaigaluega i le sasi.
O le asō e fono ai le Council a Gore ma palota le faamalolo o le pulenuu talavou.
