O le a faaauau pea fuafuaga a le Massey University i le faaitiitia o avanoa faigaluega ma ua valaau ai mo le aufaigaluega e fia aofia i le vāea ma e tusa ma le 125 avanoa.
O le sui o le iuni le Tertiary Education Union sa ia faailoa o lea fuafuaga ua lē fiafia ai le aufaigaluega ma o se faaiuga ua aafia uma ai avanoa faigaluega i lala o le aoga amata mai i faletusi, le kolisi tau le soifua maloloina, le faasaienisi lea e aupito mamafa iai aafiaga o le faaiuga.
Fai mai le iuni e lei faamalamalamaina lea tulaga i le aufaigaluega ma le mafuaaga o le a faia ai lea fuafuaga.
Na ta’ua e le sui o le Iuni ole taua tele lea o le mataupu ma ua ono fesiligia foi pe o le a toe iai se iunivesite poo se kolisi faasaienisi foi pe a mae’a ona faatino uma ia faiga.
O loo tālia se tali ane a le iunivesite i le faapupulaina o le mataupu lea e pei ona talosagaina e le Stuff.
