Tauranga port

Le fiafia le palemia I le toaitiiti o tagata faigaluega I le uafu ua maea faia tui

Ua fesiligia nei poo ai na faia le faaiuga o le kilia o le vaa lauoloa na ulufale I le uafu I Tauranga e ui o lea na iloa ua faamaonia I le Koviti se tasi I Ausetalia sa faigaluega I luga o le vaa

O le vaa lenei na taula I le uafu I le Aso Lulu ae faatoa faia siaki o le Koviti o tagata na omai I le vaa I le Aso Toonai talu ai, ma sau ai faaiuga I le Aso Sa ua faamaonia le 11 o le auvaa a le Rio De La Plata

I le va o le Aso Lulu ma le Aso Toonai o lea na galulue ai tagata faigaluega a le uafu e 92, ma e tuufaatasia tala o le taeao ua foi mai faaiuga o siaki e 23 o nei tagata galulue e negative

Ao talia faaiuga o siaki na faailoa ai e le tamaitai palemia, Jacinda Ardern lona le fiafia ona o lea ua sau tala e na o le toaiva o le aufaigaluega a le uafu, tusa lea ma le 10% ua maea faia o latou tui puipui o le Koviti

Tuu ane foi I le auvaa a le Rio De La Plata e na o le toalua o le auvaa e 21 ua maea faia tui

Ua iai nei I se tulaga taumate tagata Tauranga ao talia faaiuga o siaki o loo faagasolo mo tagata faigaluega a le uafu

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required