Ua lipotia i le asō i le One News le faaalia o lagona lē fiafia o le aumalaga a le Tupu o Maoli Tuheitia Potatau Te Wherowhero VII e mafua ona o le lē mulimulitaia o tulaga masani i sauniga e faia e pei o le Tikanga e lei lelei lona faatinoina i se sauniga na faia mo le aumalaga a Niu SIla o loo iai mo le faauuga o le Tupu o Salesa.
Fai mai lipoti o le sauniga sa tatau ona amata i le karakia poo le lotu e pei ona masani ai peitai e lei faatinoina lea tulaga ma sa faaleo ai le lē fiafia o le sooupu a le Tupu o Maoli i le malo ma i latou uma sa auai.
Fai mai le faamatalaga e lagona e le aumalaga Maoli e foliga ua ta’ufaatauvaaina i latou e le malo.
O loo ta’ua foi i lea lipoti se finagalo o le alii Palemia Chris Hipkins e moni e lei lelei lea sauniga ma e tāua tele le amanaia o le Kingitanga.
Ua faailoa foi i le lipoti lava lea e 12 atunuu ua o latou sainia se tusi e valaau ai mo se faatoesega mai le Tupu o Salesa ona o mafatiaga na aafia ai tagata ona o pulega faakolone a Peretania i tausaga ua tuanai.
