Ua faailoa i luga o le facebook le ofo ma le lē fiafia o se tasi o tagata faatau i le faleoloa o le Woolworths ona o le tau ua faatauina ai nei le melenivai poo le watermelon.
Fai mai le tamaitai faatau o le tau o le meleni atoa e 34.32 sene ae o le kuata o le meleni ua faatauina i le $8.58 sene. Fai mai lea tamaitai o ia e fiafia ia Woolworths ma o lana fale faatau lea peitai o le tau ua oo iai le meleni ua matuai le talia i lona mafaufau.
O le faamatalaga a se sooupu o le kamupani ua ta’ua ai o nisi o tulaga e faatatau i le totoina o le melei ma le sapalaia ua mafua ai le siitaga i lona tau ae ua fuafua e tatau ona toe faaitiitia mai le tau i ni nai vaiaso o lumanai.
Na asia foi e talafou nisi supamaketi i le tau o le meleni ma iloa ai ua siitia foi ae fai si mamao ese mai le tau o loo faatauina ai i le Woolies e pei ona faailoa e lea tina.
O le vaitau e masani ona tele ai le meleni i Ausetalia o le va o Tesema ma Me ma o le 100 pasene o meleni e faatauina i Ausetalia e totoina uma foi i le atunuu.
E manatu nisi ua fai si taugata tele o lea meleni ma afai ae tumau ai pea i le tau lea e iu ina uma ane ua togi i le pin otaota a le faleoloa ua le taulia.
